පමුණුව ‍රෙදිපිළි අලෙවි කරන්නන්ගේ ගැටලුවට ඇමති විමල්ගෙන් කඩිනම් විසදුමක්

කොරෝනා වසංගත තත්ත්වය හේතුවෙන් මේ වනවිට තාවකාලිකව නවතා ඇති තම ව්‍යාපාර කටයුතු යළි ඇරඹීම සඳහා අවශ්‍ය කටයුතු සලසා දෙන ලෙස කර්මාන්ත හා සැපයුම් කළමනාකරණ අමාත්‍ය විමල් වීරවංශ මහතාගෙන් කළ ඉල්ලීමට සුබවාදී පිළිතුරක් ලැබුණු බවත් ඒ අනුව ලබන අගහරුවාදා අලුයම සිට තම ව්‍යාපාර කටයුතු ඇරඹීම සදහා අමාත්‍යවරයා අවශ්‍ය කටයුතු සලසා දුන් බවත් ඒ පිළිබදව අමාත්‍යවරයාට තම සංගමයේ ප්‍රණාමය පුද කර සිටින බවත් ‘පමුණුව අලුයම රෙදිපිළි නිෂ්පාදකයන්ගේ සහ අලෙවි කරන්නන්ගේ සංගමය’ පවසයි.

අද (22) කොල්ලුපිටිය, ගාලු පාර, 73/1 ස්ථානයේ පිහිටි අමාත්‍ය කාර්යාලයේ දී ඉහත සංගමය සමග පැවැති සාකච්ඡාවකදී, ව්‍යාපාර ඇරඹීමේ දී අනුගමනය කළ යුතු සියලු සෞඛ්‍යාරක්ෂිත ක්‍රමවේදයන් අනුගමනය කරමින් තම ව්‍යාපාර කටයුතු ඇරඹීමට සූදානම් වන ලෙස ඒ පිරිසට පැවසූ අමාත්‍යවරයා, ඒ සඳහා සෞඛ්‍ය හා ආරක්ෂක බලධාරීන්ගේ අනුමැතිය කඩිනමින් ලබා දීමට ඒ මොහොතේම අවශ්‍ය පියවර ගත්තේය.

 

ඔබගේ අදහස්

Your email address will not be published. Required fields are marked *