වැලිඔය කර්මාන්තපුරය ඇමති විමල් අතින් විවෘත වෙයි

රුපියල් මිලියන 360ක මුදලක් යොදවා සංවර්ධනය කරන ලද මුලතිව් දිස්ත්‍රික්කයට අයත් සම්පත්නුවර ප්‍රාදේශීය ලේකම් කොට්ඨාසයේ පිහිටි වැලිඔය කර්මාන්තපුරය කුඩා හා මධ්‍ය පරිමාණ ව්‍යාපාර හා ව්‍යවසාය සංවර්ධන අමාත්‍ය විමල් වීරවංශ මහතාගේ ප්‍රධානත්වයෙන් අද (02) විවෘත විය.

මෙම කර්මාන්තපුරය මගින් ඉදිරියේදී ප්‍රදේශයේ රැකියා අපේක්ෂිත දෙදහස් පන්සීයකට රැකියා ලබාදීමට නියමිතය. ආයෝජන සඳහා ඉදිරිපත්ව ඇති New Universe Corporate Clothing පෞද්ගලික ආයතනය සහ Stylish Casual Ware ආයතනය මේ වන විට රුපියල් මිලියන 272.5ක ආයෝජන සිදු කරමින් 1,020කට රැකියා ලබාදීමට ඉදිරිපත්ව සිටියි .

මෙම අවස්ථාවට New Universe Corporate Clothing පෞද්ගලික ආයතනයේ සභාපති අමීන්ද විමලසේන මහතා ඇතුළු ආයෝජකයන් පිරිස ද අමාත්‍යාංශ ලේකම් ජේ. ඒ. රංජිත්, අමාත්‍ය උපදේශක සුදේෂ් නන්දසිරි, කර්මාන්ත සංවර්ධන අංශයේ අධ්‍යක්ෂ වින්දික පියරතන ඇතුළු නිලධාරීහු එක්ව සිටියහ.

ඔබගේ අදහස්

Your email address will not be published. Required fields are marked *