`id` bigint(20) unsigned NOT NULL AUTO_INCREMENT, `url` varchar(1000) NOT NULL DEFAULT '', `res` varchar(255) NOT NULL DEFAULT '' COMMENT '-=not crawl, H=hit, M=miss, B=blacklist', `reason` text NOT NULL COMMENT 'response code, comma separated', `mtime` timestamp NOT NULL DEFAULT current_timestamp() ON UPDATE current_timestamp(), PRIMARY KEY (`id`), KEY `url` (`url`(191)), KEY `res` (`res`) ආනයනික සීමා පැනවීමත් සමගම දේශීය කර්මාන්තකරුවන්ට මෙරට වෙළෙඳපොළ තුළ සුවිශාල ඉඩක් නිර්මාණය වී තිබෙනවා – කර්මාන්ත අමාත්‍ය විමල් වීරවංශ | JNP Sri Lanka | National Freedom Front

ආනයනික සීමා පැනවීමත් සමගම දේශීය කර්මාන්තකරුවන්ට මෙරට වෙළෙඳපොළ තුළ සුවිශාල ඉඩක් නිර්මාණය වී තිබෙනවා – කර්මාන්ත අමාත්‍ය විමල් වීරවංශ

by JNP Media  27/01/2021 | 10:58 0 Posted in කාලීන පුවත් 

කොවිඩ් වසංගතය හේතුවෙන් ඇතැම් භාණ්ඩ ආනයනය තාවකාලිකව තහනම් කිරීමත් සමගම ඊට සමගාමීව එම භාණ්ඩ දේශීය වශයෙන් නිපදවීමේ සුබදායී ප්‍රවණතාව වැඩි වී ඇති බවත් දේශීය කර්මාන්තකරුවන්ට වෙනදාට වඩා වැඩි ඉඩක් දේශීය වෙළඳපොළ තුළ නිර්මාණය වී ඇති බවත් කර්මාන්ත අමාත්‍ය විමල් වීරවංශ මහතා පෙන්වා දෙයි.

ඒ මහතා මෙසේ පෙන්වා දුන්නේ අද (09) කර්මාන්ත අමාත්‍යාංශයට අයත් පනාගොඩ ටෙම්පල්බර්ග් කර්මාන්තපුරයෙහි නිරීක්ෂණ චාරිකාවක නිරත වීමෙන් පසු මාධ්‍ය වෙත අදහස් දක්වමිනි.
එහිදී වැඩිදුරටත් අදහස් දැක්වූ වීරවංශ අමාත්‍යවරයා මෙසේද සඳහන් කළේය.
“රටේ ජාතික ආර්ථිකයට විශාල දායකත්වයක් ලබාදෙන කර්මාන්තකරුවන් පිරිසක් මෙම කර්මාන්තපුරයෙහි තම කර්මාන්ත පවත්වාගෙන යනවා. ඔවුන් මුහුණපා ඇති ගැටලු සමීපව හඳුනා ගෙන ඒවාට කඩිනම් විසදුම් ලබාදීමට තමයි මෙම නිරීක්ෂණ චාරිකාවෙහි යෙදුණේ.
බොහෝ කර්මාන්ත, කලින් පැවති තත්වය හා සැසඳූ විට ප්‍රබෝධයකින් ඉදිරියට යමින් තිබෙනවා. ඇතැම් කර්මාන්ත කෝවිඩ් 19 වසංගත තත්වය හේතුවෙන් යම් පසුබෑමකට ලක්ව ඇති බව අප හඳුනාගෙන තිබෙනවා. ඒ අහිතකර තත්වයන් මගහරවා ගැනීමට ඔවුනට දියහැකි සහයෝගය රජයක් ලෙස ලබාදීමට අප පියවර ගනිමින් සිටිනවා. මෙරට කර්මාන්තකරුවන්ට බැංකු ණය ගෙවා ගැනීමේ අපහසුතා ඇතුළු කොවිඩ් වසංගතය හේතුවෙන් මතුව ඇති ගැටලු හඳුනාගෙන ඒවාට පිළියම් යෙදිය යුතු බවට කැබිනට් මණ්ඩලය මේ වන විට තීරණයක් ගෙන තිබෙනවා.
ඒ අනුව අදාළ අපහසුතාවට පත් වූ කර්මාන්තකරුවන්ගේ තොරතුරු ඒකරාශි කිරීමේ කටයුතු දැනටමත් සිදු කෙරෙනවා. එම තොරතුරු කැබිනට් මණ්ඩලය වෙත ඉදිරිපත් කර ඒ අයගේ කර්මාන්ත හා ව්‍යවසායන් නැවත බලගැන්වීම සඳහා අවශ්‍ය වන මූල්‍යමය සහයෝගය ලබා දීමට අපි ක්‍රියා කරමින් සිටිනවා.
කෝවිඩ් වසංගතය හේතුවෙන් තාවකාලිකව ආනයනය තහනම් කළ භාණ්ඩ විශාල ප්‍රමාණයක් තිබෙනවා. ඊට සමගාමීව එම භාණ්ඩ දේශීය වශයෙන් නිපදවීමේ ප්‍රවණතාව වැඩි වුණා. දේශීය කර්මාන්තකරුවන්ට වෙනදාට වඩා වැඩි ඉඩක් අපේ රටේ වෙළඳපොළ තුළ නිර්මාණය වී තිබෙනවා. ඒ නිසා ඔවුන් වෙනදාට වඩා උද්යෝගයකින් ලැබී තිබෙන නව අවකාශය සම්පූර්ණ කිරීමට කටයුතු කරමින් සිටිනවා”

මෙම අවස්ථාවට කර්මාන්ත අමාත්‍යාංශයේ ලේකම් චූලානන්ද පෙරේරා, කර්මාන්ත අධ්‍යක්ෂ වින්දික පියරත්න යන මහත්වරු ද එක්ව සිටියහ.

 

 

Facebooktwitterredditpinterestlinkedinmail

Related Posts

About Author

JNP Media

ඔබගේ අදහස්

Your email address will not be published. Required fields are marked *

Share

LinkedIn

WhatsApp
Copy Link
×