පරන්තන් කෙමිකල් සමාගමේ නිෂ්පාදන කටයුතු කඩිනම් කිරීමට අවශ්‍ය යටිතල පහසුකම් ඇතුළු පහසුකම් සැපයීම සහ යෝජිත රසායනික ද්‍රව්‍ය ආශ්‍රිත කර්මාන්තපුරය පිළිබද කර්මාන්ත ඇමතිවරයා සහ නිලධාරින් අතර සාකච්ජාවක්

වසරකට රුපියල් බිලියන 1.66 වැයකොට මෙරට අවශ්‍යයතාව සපුරාලීමට ආනයනය කරනු ලබන රසායනික ද්‍රව්‍ය මෙරටදීම නිපදවීමේ හැකියාව ඇති, ත්‍රස්තවාදී ගැටුම් නිසා දීර්ඝ කාලයක් පුරා අකර්මණ්‍ය වූ පරන්තන් කෙමිකල්ස් කම්පැණි ලිමිටඩ් රාජ්‍ය ආයතනයේ කටයුතු කඩිනම් කිරීමට සහ අවශ්‍ය යටිතල පහසුකම් ඇතුළු පහසුකම් සැකසීම පිළිබඳව සහ කිලිනොච්චියේ යෝජිත රසායනික කර්මාන්තපුරය ඇරඹීමට අදාළ කැබිනට් පත්‍රිකාව සැකසීම ඇතුළු කරුණු පිළිබද සාකච්ජාවක් අද (04) අමාත්‍යංශයේදී පැවැත්විය.